Անկախության 25-րդ տարեդարձին նվիրված զորահանդեսի ժամանակ, ի թիվս այլ նորությունների, առաջին անգամ ցուցադրվեցին նաև հայկական բանակի «Իսկանդեր-Է» օպերատիվ մարտավարական հրթիռային համակարգերը։
«Սա ժամանակակից հզորագույն զենքերից մեկն է, ունի ավերիչ ուժ: Այն զսպիչ միջոց է, բայց ի սկզբանե ցանկանում եմ զգուշացնել, որ այս զենքը չի օգտագործվելու: Չեն օգտագործվի նաև ստրատեգիական այն կարևոր զենքերը, որոնք կան ադրբեջանական զինանոցում: Դրանց օգտագործումը կլինի բոլոր տեսակի հարաբերությունների վերջը և մեծ պատերազմի սկիզբը»,-այսօր՝ լրագրողների հետ հանդիպման ժամանակ ասաց ՀՀ արտակարգ և լիազոր դեսպան Արման Նավասարդյանը:
Իսկ, թե ինչո՞ւ այս զենքը ցուցադրվեց հարցին պատասխանեց.
«Այն ցուցադրվեց, քանի որ Ռուսաստանն այստեղ լուծում է իր աշխարհաքաղաքական հարցերը»:
Անի Կարապետյան
