Azatutyun.am-ը գրում է. է։
Իշխող Հանրապետականի խորհրդարական խմբակցության ղեկավար Վահրամ Բաղդասարյանի կարծիքով, վարչապետը պետք է մեկնի Մոսկվա՝ մասնակցելու Եվրասիական տնտեսական միության անդամ երկրների վարչապետների խորհրդի նիստին:
«Մեկնելը բոլոր պարագաներում ճիշտ է, որովհետև բոլոր տեղերում մենք ասելիք ունենք և պետք է հնարավորությունը բաց չթողնենք, անկախ նրանից՝ ինչ հարաբերություններ է եղել, որտեղ է հետաձգվել: Ինձ թվում է, ճի՛շտ է մեկնելը, և սա այն դեպքը չէ, որ թշնամիներ փնտրենք, նեղացկոտ կեցվածք ընդունենք, այլ ընդհակառակը՝ մենք մեր ասելիքը պետք է բոլոր ամբիոններից ասենք և օգտագործենք բոլոր ամբիոնները»,- ասաց Բաղդասարյանը:
Հարցին՝ կարո՞ղ ենք ասել, որ արդեն որոշում կա և վարչապետ Աբրահամյանը մեկնելու է Մոսկվա, հանրապետական գործիչը պատասխանեց.- «Ձեզ ներկայացրեցի իմ անձնական կարծիքը: Որոշման մասին լրացուցիչ հայտարարություն կլինի»:
Առավել մանրամասն՝ սկզբնաղբյուր կայքում
Հիշեցնենք, որ Եվրասիական միջկառավարական խորհրդի նիստը պետք է կայանար ապրիլի 8-ին Երևանում, սակայն ղարաբաղա-ադրբեջանական հակամարտ զորքերի շփման գծում տեղի ունեցած ռազմական գործողությունների ժամանակ որոշվեց նիստը հետաձգել և անցկացնել Մոսկվայում:
