Ազգային ժողովում Քննիչ հանձնաժողովի նիստի ավարտից հետո Ռոբերտ Քոչարյանին կալանքի որոշում տված դատավոր Վաչե Մարգարյանը հրաժարվում էր ի սկզբանե պատասխանել լրագրողների հարցերին:
Այն հարցին՝ արդյոք Ռոբերտ Քոչարյանին կալանք տալու հիմքեր կայի՞ն, թե՞ ոչ, դատավորը չարձագանքեց: Միայն հակիրճ անդրադարձավ հարցին, թե կալանք տալուց հետո իր ընտանիքին կամ իրեն վտանգ սպառնացե՞լ է.
«Ո՛չ»,- ասաց նա:
Նա չհստակեցրեց, թե հրավիրվե՞լ է նախաքննական մարմին կամ ի՞նչ կարգավիճակ ունի:
«Նախաքննություն է ընթանում, ինչպես նաև ԱԺ-ում Քննիչ հանձնաժողով է ստեղծվել, քննությունն ընթանում է»,-ասաց նա:
Հարցին, թե ճնշումներ եղե՞լ են Քոչարյանին կալանք տալուց, պատասխանեց.
«Իհարկե չեն եղել»:
