Կառավարությունը նպատակադրել է ապահովել 2017թ-ին 3,2% տնտեսական աճի մակարդակ: Այս մասին այսօր ԱԺ-ում 2017թ-ին բյուջեի քննարկման ժամանակ հայտարարեց ՀՀ վարչապետ Կարեն Կարապետյանը: Նա խոստովանեց, որ նշված ցուցանիշին հասնելը բավական ջանքեր կպահանջի, բայց նաև վստահեցրեց. «Ամեն ինչ անելու ենք դրան հասնելու համար»:
Կարեն Կարապետյանը նշեց, թե իրենց խնդիրն է բոլոր անհրաժեշտ քայլերը կատարել, որպեսզի մակրոտնտեսական կայունություն ապահովեն և նվազող բյուջեի միջոցով պարտքի կայունցման հասնեն:
«Թափանցիկ գործելակերպով, մոտեցումները հարկատուների բյուջեի մուտքերը պետք է օգտագործել խնայողաբար, նպատակային, արդյունքները՝ տեսանելի հանրության համար»,-ասաց նա:
