ՀՀ նախկին վարչապետ Կարեն Կարապետյանը մոտ ժամանակներում կարող է ընդգրկվել «Зарубежнефть» ռուսական պետական ընկերության տնօրենների խորհրդում:Այս մասին հայտնում է «Коммерсант»-ը:
Պարբերականի զրուցակիցներից մեկի տեղեկությամբ՝ Կ.Կարապետյանը կստանա անկախ տնօրենի պաշտոնը, որն այժմ զբաղեցնում է ֆինանսիստ Հրայր Սիմոնյանը, որը «Интер РАО»-ի ղեկավար Բորիս Կովալչուկի խորհրդականն է:
Պարբերականի հարցմանն ընկերությունից դեռ չեն շտապել պատասխանել:
Աղբյուրը նկատում է, որ Ռուսաստանի իշխանությունները նախկինում էլ են կիրառել արտասահմանից հավատարիմ քաղաքական գործիչներին աշխատանքի հրավիրելու պրակտիկան:
Այստեղ կարելի է նշել Գերմանիայի նախկին կանցլեր Գերհարդ Շրյոդերի օրինակը. նա ներառված է «Ռոսնեֆտ»-ի տնօրենների խորհրդի կազմում:
