Թուրքիայի մեջլիսի հայ պատգամավոր Կարո Փայլանը հանդիպել է 13-ամյա Արթուրին, ում Գազիանթեփի Իսլամագիտության և տեխնոլոգիայի համալսարանի ռեկտոր, աստվածաբան Նիհաթ Հաթիփօղլուն իր հեղինակային հաղորդման ժամանակ Ստամբուլի Սուլթանհամեթ հրապարակից ուղիղ եթերում փորձել էր կրոնափոխ անել:
Պատգամավորը ֆեյսբուքի իր էջում գրել է, որ Արթուրը լավ է:
«Արթուրի հետ հանդիպեցի։ Նա բավականին լավ է։ Միշտ նրա կողքին եմ լինելու։ Հարկ եղած ժամանակ նրան պաշտպանելու եմ վատ բաներից»-գրել է նա։
Այս դեպքը մեծ արձագանք գտավ, քանի որ տղան առանց ծնողների համաձայնության է եղել սրահում, իսկ հաղորդավարը օգտվել է անչափահաս լինելու հանգամանքից եւ շոու սարքել։
Կարո Փայլանը նշել է, որ այս դեպքում դիմելու է դատախազություն։
