Նոյեմբերի 5-ին ԱԻ նախարար Ֆելիքս Ցոլակյանի մոտ տեղի ունեցավ նոր աշխատակիցների ընդունելության և հերթական կոչումների շնորհման հանդիսավոր արարողություն:
ՀՀ ութ քաղաքացիներ ծառայության անցան ԱԻՆ Փրկարար ծառայության համակարգում, իսկ տասներեք փրկարարներ ստացան հերթական սպայական կոչումներ:
ԱԻ նախարար Ֆելիքս Ցոլակյանը շնորհավորեց աշխատակիցներին և մաղթեց անփորձանք, պատասխանատու ծառայություն:
Նշենք նաև, որ ՀՀ վարչապետ Նիկոլ Փաշինյանի որոշմամբ փ/ծ գեներալ-մայոր Վրեժ Գաբրիելյանը նշանակվել է Փրկարար ծառայության տնօրեն:
ԱԻ նախարար Ֆելիքս Ցոլակյանը ԱԻՆ ղեկավար կազմին ներկայացրել է Փրկարար ծառայության նորանշանակ տնօրենին: Շնորհավորելով գեներալ Գաբրիելյանին նշանակման կապակցությամբ՝ Ֆելիքս Ցոլակյանը նշել է, որ գեներալ-մայոր Վրեժ Գաբրիելյանը իր անցած ճանապարհով և փորձառությամբ իրավամբ արժանի է զբաղեցնելու Փրկարար ծառայության տնօրենի պաշտոնը:
Ֆելիքս Ցոլակյանը նորանշանակ տնօրենին հորդորել է հատկապես ուշադրության կենտրոնում պահել ծառայության կազմակերպման և կարգապահության հետ կապված հարցերը:
ԱԻ նախարարը Փրկարար ծառայության նորանշանակ տնօրենին մաղթել է խաղաղ և արդյունավետ աշխատանք:
