Լարված իրավիճակ է Արմավիրի մարզի Արշալույս գյուղում, որտեղ գյուղացիներն ամիսներ շարունակ՝ 2018 թվականի ամռանից պահանջում են, որպեսզի համայնքապետ Զարզանդ Գրիգորյանը լիազորությունները վաղաժամկետ դադարեցնելու դիմում ներկայացնի:
Այսօրվա հերթական բողոքի ակցիայի ժամանակ գյուղացիները հավաքվել էին համայնքապետարանի դիմաց, որտեղ նրանց դիմավորել են ոստիկանները:
Ըստ ականատեսների, ոստիկանները փորձել են քաղաքացիներին բերման ենթարկել, իսկ գյուղի կանայք, աղմուկ լսելով, դուրս են եկել տներից և տղաներին դուրս բերել ոստիկանների ավտոմեքենաներից:
Այստեղ է նաև պատգամավոր Թագուհի Ղազարյանը, ով Արշալույս գյուղի բնակիչ է:
