Մայիսի 9-ին Առնո Բաբաջանյան համերգասրահում կայացավ ասմունքող Լիանա Զուրաբյանի գրական երաժշտական երեկոն՝ նվիրված Հաղթանակի օրվան: Միջոցառման թեման սերն էր. սիրու՞մ ես, ուրեմն հաղթել ես, սեր՝ հայրենիք,սեր՝ մայր, սեր՝ խոհեր, սեր՝ սիրած… Ահա այս չորս լայն ու ծավալուն սիրո մասին խոսեց Լիանան՝ Թումանյանի, Չարենցի, Տերյանի, Սահյանի, Սևակի, Էմինի, Դուրյանի, նաև արդի գրականության ժող. արտիստներ Սասուն Պասկևիչյանի և Լևոն Բլբուլյանի գրչով:
Դահլիճը լեփ-լեցուն էր, տոմսերը՝ սպառված, ինչը և ավելի շատ էր պարտավորեցրել ասմունքողին:
Երեկոյին ներկա գտնվելու համար եկել էին նույնիսկ մարզերից, հանդիսատեսը ջերմ էր և գոհ, ինչի ապացույցը, թերևս, երեկոյից հետո Լիանա Զուրաբյանի ֆեյսբուքյան էջն էր:
