ՖԻՖԱ-ի պաշտոնական թվիթերյան էջում քիչ առաջ գրառում կատարվեց, որտեղ հայտարարվեց, որ Ուրուգվայի հավաքականի և անգլիական Լիվերպուլի հարձակվող Լուիս Սուարեսը որակազրկվել է 9 խաղով և զրկվել առաջիկա 4 ամիսների ընթացքում ֆուտբոլում ակտիվ գործունեություն ծավալելու հնարավորությունից:
Հիշեցնենք, որ ԱԱ 2014-ի խմբային փուլի Իտալիայի հետ խաղի ժամանակ Սուարեսը կծել էր Ջորջո Կելինիի ուսը: Սա երրորդ դեպքն էր ուրուգվայցու կարիերայի ընթացքում:
