Այսօր տեղի ունեցել ԲՀԿ Մասիսի տարածքային խորհրդի նիստը: Նիստը որոշել է ԲՀԿ Մասիսի տարածքային խորհրդի նախագահի պաշտոնից և ԲՀԿ-ի շարքերից հեռացնել ԲՀԿ Մասիսի խորհրդի նախագահ Կարապետ Օհանյանին:
Խորհրդի որոշման մեջ նշված է, որ Կարապետ Օհանյանը, խախտելով կուսակցության որոշումը, այսօր առավոտյան ինքնաբացարկ է ներկայացրել սեպտեմբերի 18-ին կայանալիք Մասիսի քաղաքապետի ընտրությունից:
Հավելենք, որ երեկ ամբողջ օրը Կարապետ Օհանյանն անհետ կորած է եղել և միայն ուշ երեկոյան է հայտնվել: ԲՀԿ ղեկավար Նաիրա Զոհրաբյանն ու կուսակցության քաղխորհրդի մի շարք անդամներ շտապել են Կարապետ Օհանյանի մոտ՝ հասկանալու, թե ի՞նչ է տեղի ունեցել, ով է առևանգել վերջինիս: Հենց այս ժամանակ էլ Օհանյանը հայտարարել է ինքնաբացարկ հայտնելու իր մտադրության մասին:
Ըստ մամուլում հայտնված տեղեկույունների, Կարապետ Օհանյանի խոսքով՝ ինքը հանդիպել է ՀՀԿ-ի կողմից առաջադրված թեկնածուի` Դավիթ Համբարձումյանին, ով առաջարկել է ինքնաբացարկ հայտնել` դրա դիմաց ցանկալի պաշտոններ առաջարկելով. ըստ Դավիթ Համբարձումյանի՝ «այս ամենն «առաջինի մակարդակով» ճշտված և համաձայնեցված է ՀՀԿ նախագահ Սերժ Սարգսյանի հետ»:
