Ազատության հրապարակից  Մաշտոցի պողոտայով  դեպի Բաղրամյան պողոտա` նախագահական նստավայր  երթի մասնակիցներին ոստիկանները թույլ չեն տվել փողոցով քայլել` ասելով, որ սահմանված կարգով պետք է քայլել մայթեզրին:

galatv.am-ը գրում է, որ ակտիվիստների և ոստիկանների միջև պարբերաբար հակասություններ են եղել, իսկ երբ ոստիկանները  թույլ չէին տալիս փողոցում քայլել, նրանք բղավում էին` մենք այսքանս Նունե Եսայանի չափ չկա՞նք:

Իսկ ակտիվիստներից մեկը` Ծովինար Նազարյանը, չլսելով ոստիկանների հրահանգները` դուրս գալով փողոցից գրեթե մեքենայի տակ էր ընկնում:

Հիշեցնենք, որ  տարբեր քաղաքական ուժերի, քաղաքացիական խմբերի անդամների ու համակիրների մասնակցությամբ երթը դեպի նախագահական նստավայր` նպատակ ունի հիշեցնել  Սերժ Սարգսյանին, որ իրենք են լիազորել 1991 թվականի անկախության հանրաքվեի արդյունքները, և որ որևէ մեկը չի կարող Սահմանադրությանը հակասող հայտարարություններ անել:

Լուսանկարը` Սարհատ Պետրոսյանի ֆեյսբուքյան էջից