tert.am-ը գրում է. «Հանրապետական» կուսակցության յուրաքանչյուր անդամ կցանկանար, որ նախագահ Սերժ Սարգսյանը հնարավորինս ղեկավարեր երկիրը: Կայքի հետ զրույցում ասաց Ազգային ժողովի նախագահ Գալուստ Սահակյանը:
Խոսելով ՀՅԴ խմբակցության ղեկավար Արմեն Ռուստամյանի հայտարարության մասին, որ չէր բացառել, որ խորհրդարանական ընտրություններից հետո գործող նախագահը կարող է դառնալ վարչապետ, Գալուստ Սահակյանն ասաց. «Արմեն Ռուստամյանը ասել է իր տեսակետը, որ ինքը շատ կցանկանար, իսկ մնացած բոլոր խնդիրները նախագահը կորոշի»:
Հարցին՝ սա նաև ՀՀԿ-ի՞ ցանկությունն է, որ Սերժ Սարգսյանը պաշտոնավարի որպես վարչապետ, խորհրդարանի խոսնակն այսպես արձագանքեց. «Իհարկե, ՀՀԿ յուրաքանչյուր անդամ կցանկանար, որ նախագահը հնարավորինս ղեկավարեր երկիրը: Այլապես, պիտի ասեմ հետևյալը, որ մենք դեռևս մարդ չենք տեսնում, որը կկարողանա ղեկավարել մեր երկիրը»:
Շարունակությունը՝ սկզբնաղբյուր կայքում
