ՀՀԿ ԳՄ նիստից հետո ճեպազրույցի մասնակցած ԱԺ փոխնախագահ Էդուարդ Շարմազանովից լրագրողները հետաքրքրվել են Նոր Հայաստանի ակցիայի մասնակիցներին բերման ենթարկելու առիթով ՀՀԿ-ի մամուլի խոսնակի վերաբերմունքով:
Նշելով, որ երկու կարծիք չի կարող լինել, որ բողոքի ցանկացած ակցիա ու գործողություն պետք է իրականացվի օրենսդրության խստագույն պահպանման պայմաններում՝ Էդուարդ Շարմազանովը նշել է. «Ընդունում եմ, որ քաղաքացիները իրավունք ունեն բողոքի ակցիաներ կազմակերպելու, բայց ինձ համար անակնկալ բան կար, որը մեր քաղաքում, մեր Հայաստանում, մեր մենթալիտետի համար նոր էր։ Մեր մոտ ընդունված չէ, որ կանայք պառկեն եւ իրենց մեխեն ասֆալտին»,- ասել է նա՝ շեշտելով, թե համացանցում տարածված տեսանյութերից երևում է, որ ոստիկանները չէին ուզում գնալ բախումների:
