ԱԺ «Հայաստան» խմբակցության պատգամավոր Քրիստինե Վարդանյանը 24TV-ի եթերում անդրադարձել է ՀՅԴ-ի կողմից տարածած հաղորդագրությանը՝ Էմանուել Մակրոնի՝ հայ համայնքի ներկայացուցիչների հետ հանդիպմանը հնչեցրած արտահայտության վերաբերյալ: Հիշեցնենք՝ Մակրոնն ասել էր՝ «ես Ալիևի վրա ավելի շատ եմ ճնշում բանեցրել, քան Փաշինյանը»:
«Մակրոնը պետք է ասե՞ր, որ հասկանանք: Երեք տարի նույն բանն ասում ենք... Պիտի Ալիևը Էրդողանի ձեռքը բռնած գա, ասի՝ Երևանի էս տները իմն են, նոր հասկանա՞նք, որ վատ վիճակի մեջ ենք: Բանակցություններում մեր շահը պաշտպանող չկա»,- նշել է Վարդանյանը: Անդրադառնալով Մակրոնի հայտարարությունը գաղտնազերծելու համար ՀՅԴ-ին ուղղված քննադատություններին, ինչպիսին օրինակ ՔՊ-ական Լուսինե Բադալյանի գրառումն էր, Վարդանյանն ասել է. «Մեղադրում է, որովհետև իշխանություն պահելու խնդիր ունի, ինչպես ինքը, այնպես էլ էդ թիմի յուրաքանչյուր անդամ»:
|
ԱԺ «Քաղաքացիական պայմանագիր» խմբակցության պատգամավոր Լուսինե Բադալյանը ֆեյսբուքյան իր էջում գրել էր. «Դաշնակցականները հայերեն լեզվով ասած` «ջուր պղտորելու» նշաձողը բարձրացրել են միջազգային մակարդակի։ |
