«Հայաստանը ոչ թե փոխարինում է Արցախին, այլ նրա կողքին է և մեղադրանքները՝ տարածքների զիջումների հետ կապված, ավելորդ հայտարարություններ են, որոնք ինչքան էլ որ չցանկանանք՝ հասնում են Արցախ ու տրամադրություններ են փչացնում, ինչը ցանկալի չէ»,-լրագրողների հետ հանդիպման ժամանակ ասաց ԼՂՀ մշտական ներկայացուցչության խորհրդական խորհրդատու Գառնիկ Իսագուլյանը՝ շեշտելով.
«Այո՛, բանակցություններ ընթանում են, կարող է ցանկացած հարց քննարկվել, բայց ՀՀ նախագահը բազմիցս է հայտարարել, որ Արցախի հարցը արցախցու խնդիրն է: Մի՛ անհանգստացե՛ք, տարածքներ ոչ ոք ոչ ոքի չի տալիս»:
Իսագուլյանը նկատում է՝ Հայաստանում կան պաշտոնյաներ, որոնք Արցախ են այցելում միայն տոներին, հետաքրքիր բաժակաճառեր են ասում, բայց գործնական խնդիրների դեպքում այլ վերաբերմունք ունեն, նույնիսկ Արցախի հարցերով հեռախոսազանգերին չեն պատասխանում:
