ԱԻՄ առաջնորդ Պարույր Հայրիկյանին անհանգստացում են Արցախում և Հայաստանում կատարվող իրադարձությունները:
«Չեմ կարծում, որ այնպիսի վիճակում ենք, որ առանց բացատրության բացակայած մարդու վերադարձն ինչ-որ բան պետք է արմատապես փոխեր: Ամեն դեպքում, պետք է ողջունել յուրաքանչյուր հայի վերադարձն ու ասել՝շատ լավ ես արել, որ եկել ես: Հավատում եմ բացասական կերպարի շրջադարձին՝ Պողոս Առաքյալի օրինակով»,-լրագրողների հետ հանդիպման ժամանակ խոսելով ռազմական, պետական և քաղաքական գործիչ, Արցախի հերոս Սամվել Բաբայանի վերադարձի մասին՝ ասաց Պարույր Հայրիկյանը:
Ինչ վերաբերում է Արցախի ԱԺ պատգամավոր Հայկ Խանումյանի հետ կատարվածին՝ ԱԻՄ առաջնորդը նկատեց.
«Պետք է գնահատել որպես իշխանությունների բռնապետական տրամադրությունների ցուցադրական դրսևորում՝ հանրությանը հլու-հնազանդ, ճորտի կարգավիճակում պահելու նպատակադրմամբ: Տեղի իշխանությունը պետք է վճռական քայլեր կատարի»:
Խոսելով Երևանում օրերս կատարված սպանության մասին՝ Պարույր Հայրիկյանը նշեց.
«Մոր ներկայությամբ որդուն սպանելն ահավոր երևույթ է, անպատկերացնելի: Մի քանի միլիոն թալանում են ու անպայման պետք է զորք ունենան, ովքեր էլ ջարդելու հոգեբանությամբ են ապրում: Արմատական փոփոխություններ են պետք»:
Անի Կարապետյան
