Ամիրյան 24 և 18 ա շենքերի հարևանությամբ ընթանում են լայնածավալ շինարարական աշխատանքներ, որոնք հնարավոր է նոր շունչ տան քաղաքացիական պայքարին: Սեփականատերը նախատեսում է այստեղ կառուցել 14 հարկանի շենք, որն իր բարձրությամբ և մասշտաբով կխոչընդոտի բնակիչների բնականոն կյանքի ընթացքը: Բնակիչները տասնյակ դիմումներով դիմել են պատկան մարմիններին, սակայն արձագանքներ չեն ստացել:

Ըստ nrnak.com-ի, խնդրով մտահոգ քաղաքացիները նոյեմբերի 13-ին՝  ժամը 15։00-ին հավաքվում են Մաշտոցի պուրակում, որտեղից կշարժվեն շինարարության վայրը։