Այսօր լրագրողների հետ զրույցում Արդարադատության նախարար Արտակ Զեյնալյանն ասաց, որ Միհրան Պողոսյանին քաղաքական ապաստան տալը Ռուսաստանի սուվերեն իրավունքն է:
«Միհրան Պողոսյանը ձերբակալվել է և մինչև ՀՀ հանձնվելը իրացրել է այդ իրավունքը՝ քաղաքական ապաստան հայցելու: Ռուսաստանի սուվերեն իրավունքն է՝ կբավարարի, թե կմերժի քաղաքական ապաստան տրամադրելու վերաբերյալ դիմումը:
Գուցե սա գնահատվում է որպես պաշտպանական տակտիկա՝ ձգձգելու համար Հայաստանի Հանրապետության հանձնելը, մինչև բավարարումը կամ մերժումը կստացվի: Քաղաքական ապաստան խնդրելու իրավունքն անձինն է, իսկ թե դա որքանով է հայրենասիրական, որքանով՝ բարոյական՝ արդեն սուբյեկտիվ գնահատականների արդյունք է»,- նշեց Արտակ Զեյնալյանը:
