Մի խումբ դեռահաս արվեստագետներ Բարսելոնայից, Բեռլինից, Դետրոյտից, Սանտիագոյից, Տանգիերից, Վարշավայից և Երևանից  նախաձեռնել են յուրօրնակ միջոցառում՝ հայաստանյան իրենց հասակակիցների հետ կառուցելու հաղորդակցության կամուրջներ և միասնականության ու փոխադարձ վստահության մթնոլորտ։ Միջոցառումը կանցկացվի երգի, պարի, վիզուալ արվեստների միջոցով։  

Միջոցառումը տեղի կունենա «Օրրան» բարեգործականում, ս.թ հուլիսի 6–ին՝ ժամը 10։00 -15։00  ընկած ժամանակահատվածում։ Միջոցառումը կավարտվի «Օրրանի» պարտեզում համագործակցության ընթացքում ստեղծված մշտական որմնանկարի դիմաց արված աշխատանքների ցուցահանդեսով։

Լրատվամիջոցների ներկայացուցիչները հրավիրվում են տեսանկարահանելու, լուսանկարելու և հարցազրույց վերցնելու այս յուրահատուկ երիտասարդներից, որոնք Breaking Walls միջազգային  շարժման անդամ են,  և նրանք ողջունում են «Օրրան» բարեգործական կազմակերպության պատանիներին։ ԱՄՆ-ում հիմնադրված այս շահույթ չհետապնդող շարժումը խթանում է երկխոսությունը  վաղվա առաջնորդների միջև՝ համախմբելով երիտասարդներին ողջ աշխարհով, և որպես խաղաղության դեսպաններ՝ այդ նպատակով օգտագործում է արվեստը։