vivaronews.am-ը գրում է. «Մանչեսթեր Յունայթեդ» գլխավոր մարզիչ Ժոզե Մոուրինյոն Անգլիայի առաջնության 10-րդ տուրի «Բերնլիի» դեմ խաղից առաջ խոսել է հայ կիսապաշտպան Հենրիխ Մխիթարյանի մասին:
«Մխիթարյանը վնասվածք չունի: Նա մարզվում է 100%-ով, կարծում եմ, որ նրա համար փոփոխությունների ժամանակն է եկել: Անգլերենում խառնում են ապաքինվել վնասվածքից և պատրաստ լինել խաղին արտահայտությունները, որոշ դեպքերում վնասվածք չունեցող ֆուտբոլիստը պատրաստ չի լինում հանդիպմանը:
Որոշ ֆուտբոլիստներ հեշտ են հարմարվում, բայց որոշներին էլ ժամանակ է անհրաժեշտ խաղային տեմպի մեջ մտնելու համար: Մխիթարյանին ժամանակ է անհրաժեշտ՝ դառնալու այն բարձրակարգ ֆուտբոլիստը, որին մենք գիտենք:
Վաղ թե ուշ, նա խաղալու է: Մենք հավատում ենք նրան: Նա հիանալի ֆուտբոլիստ է և իմ ծրագրերի մեջ է մտնում: Նա հաջողության կհասնի «Մանչեսթեր Յունայթեդում»:
Օրինակ՝ Վիլիանը խնդիրներ ուներ խաղաժամանակ ստանալու հետ, սակայն որոշակի գործընթացի միջով անցելուց հետո, նա սկսեց բարձրակարգ ֆուտբոլ ցուցադրել: Այնուհետև մենք հաղթեցինք առաջնությունը, նա այդ տարիներին ֆենոմենալ է և մինչ օրս այդպիսին է:
Նույնը կարող եմ ասել դի Մարիայի մասին, նա շատ բան պետք է սովորեր, երբ Պորտուգալիայից եկավ Մադրիդ: Երբեմն լինում են այսպիսի դեպքեր:
Միկիի դեպքում ամեն ինչ ընդհատվեց վնասվածքի պատճառով, որը չնպաստեց նրա էվոլուցիային: Վնասվածք ունենալը նշանակում է, որ քեզ ավելի շատ ժամանակ է պետք լիովին վերականգնվելու համար»,-ասել է Մոուրինյոն:
Հիշեցնենք, որ Հայաստանի հավաքականի ավագը խաղադաշտ դուրս չի եկել սեպտեմբերի 10-ից ի վեր և չնայած մարզվում է թիմի հետ ողջ ծրագրով, սակայն չի հայտնվում հայտացուցակում:
