«Մանչեսթեր Յունայթեդի» գլխավոր մարզիչ Ժոզե Մոուրինյոն «Բորնմութի» դեմ հանդիպման նախախաղային մամուլի ասուլիսի ընթացքում անդրադարձել է Հենրիխ Մխիթարյանի վնասվածքին:
Մոուրինյոն ակնկալում է, որ Մխիթարյանը պատրաստ կլինի խաղադաշտ դուրս գալ «Չելսիի» դեմ գավաթային հանդիպմանը, որը կայանալու է մարտի 13-ին: Ստացվում է, որ Հենրիխը բաց կթողնի «Բորնմութի» դեմ առաջիկա խաղը և ամենայն հավանականությամբ չի կարողանա մասնակցել «Ռոստովի» դեմ Եվրոպա լիգայի 1/8 եզրափակիչի շրջանակում կայանալիք 1-ին խաղին: Այնուամենայնիվ, Մոուրինյոն կարծում է, որ Մխիթարյանի վերականգնողական գործընթացը դրական է:
«Մխիթարյանը դեռևս պատրաստ չէ: Նա առաջիկա խաղին չի կարողանա մասնակցել: Ես հավատում եմ, որ հաջորդ շաբաթ, մասնավորապես «Սթեմֆորդ Բրիջում» կայանալիք խաղին, Հենրիխը պատրաստ կլինի ու լիովին ապաքինված»,- «Յունայթեդի» պաշտոնական կայքը փոխանցում է Մոուրինյոյի խոսքը:
