Այսօր լրագրողների հետ զրույցում ՀՀ վարչապետի պաշտոնակատար Նիկոլ Փաշինյանն անդրադարձել է իր խորհրդական, Գլխավոր շտաբի հետախուզության վարչության նախկին պետ Արշակ Կարապետյանի նշանակմանը, ով, ըստ համացանցում տարածված գրառումների՝ «ապրիլյան պատերազմի զոհերի թիվ մեկ պատասխանատուն է», և ում նշանակումը միանշանակ չի ընկալվել հանրության կողմից:
«Քառօրյա պատերազմի մասին կարդացել եմ տասնյակ էջերով գաղտնի նյութեր, ու ոչինչ չեմ գտել հեռախուզական տվյալների պակասության կամ բացակայության մասին»,- ասել է Փաշինյանը:
Նա ընդգծել է նաև, որ ոչ ոք չի առաջարկել Արշակ Կարապետյանի թեկնածությունը. «Ես եմ նշանակել և եթե որեւէ փուլում հարցեր կծագեն նրա հետ կապված, նա այս կարգավիճակում ավելի մեծ պարտավորություն կունենա հարցերին պատասխանել կոնկրետ և սպառիչ»:
