«Ժողովրդավարական հայրենիք» կուսակցության նախագահ Պետրոս Մակեյանի ֆեյսբուքյան գրառումը․ «Ազգային խայտառակություն.
Կա ավանդույթ՝ յուրաքանչյուր ընտանիք իր խնդիրները լուծում է տանը, իսկ երբ այն դուրս է գալիս ու դառնում այլոց քննարկման առարկա, այդ ընտանիքն այլևս հանրային պարսավանքի է ենթարկվում՝ կորցնելով հարգանքը հասարակության մեջ։ Հիմա ՀՀ վարչապետը գնում է Եվրոպա, ալամ աշխարհի առաջ վարկաբեկում 1700-ամյա հայ առաքելական եկեղեցուն, մասնավորապես՝ մեղադրելով ֆինանսական ոչ թափանցիկ լինելու մեջ։ Նիկոլին ճանաչողները գիտեն, որ նա անձնական վրեժ է լուծում եկեղեցուց, կաթողիկոսից, բարձրաստիճան եկեղեցականներից, որովհետև նրանք, պատերազմում խայտառակ պարտությունից հետո, պահանջում էին վերջինիս հրաժարականը, ինչի հետ համաձայն էին հասարակության մեծամասնությունը։ Իմիջայլոց, ժամանակին Նիկոլը Սահակաշվիլիին խորհուրդ էր տալիս, որ պետք է հրաժարական տա, որպեսզի իր պարտությունը չվերագրվի վրաց ժողովրդին։
Հ․Գ․ Ինչ վերաբերվում է ֆինանսական թափանցիկությանը, ապա Նիկոլը դրա մասին խոսելու բարոյական իրավունք չունի, որովհետև ինքն ու իր ընտանիքը ներքաշված են կոռուպցիայի, փողերի լվացման և հովանավորչության մեջ, պատահական չէ, որ Թրանսփարենսի Ինթերնեյշնլ հակակոռուպցիոն կենտրոնն արձանագրել է կոռուպցիայի դեմ պայքարում անարդյունավետությունը»։

Դիտեք նաև՝