Այսօր Կոտայքի մարզի Նոր Գեղի համայնքում հաստատվել է կորոնավիրուսի առաջին դեպքը:
Այս մասին հայտնում է ԼՈՒՐԵՐ.com-ը, ում հետ զրույցում հայտնել է համայնքի ղեկավար Վարդան Պապյանը:
Նա նշել է, որ դեպքը հաստատվել է երեկ երեկոյան.
«Կորոնավիրուսը հաստատվել է 58-ամյա տղամարդու մոտ, ով ունի նաև երկկողմանի թոքաբորբ: Այս պահին նա հիվանդանոցում է: Ընտանիքի անդամներն ու շփման շրջանակը՝ մեկուսացված, բայց պատկերացում չունենք, թե ումից կարող է վարակված լինել: Նա մեզ մոտ է ապրել, Երևան քաղաքի հետ շփում չի ունեցել»,- ասել է համայնքի ղեկավարը:
