Ոչ հաստատում եմ, ոչ հերքում եմ: Այս մասին, այսօր՝ փետրվարի 22-ին, ԱԺ-ում լրագրողների հետ զրույցում նշեց Արդարադատության նախարար Արտակ Զեյնալյանը՝ անդրադառնալով հարցին, թե որքանով են համապատասխանում իրականությանը տեղեկությունները, որ ինքը փորձել է հանդիպել կալանավորված Ռոբերտ Քոչարյանին, սակայն մերժում է ստացել, եւ ինչու է վերջինս մերժել:
«Եթե պատճառները հայտնեմ, կնշանակի՝ համաձայնության եմ տալիս հարցին, որ հանդիպել եմ: Դա հրապարակման ենթակա չէ, ՔԿՀ-ները գտնվում եմ իմ ենթակայության տակ ու ես կարող եմ այցելել բոլորին ու ծանոթանալ պայմաններին, իսկ ում հետ եմ հանդիպել, ինչ պայմաններում, հրապարակման ենթակա չէ»,- ասաց նախարարը:
