Թարմացված․ Ինչպես հայտնել ենք, քիչ առաջ ԱԺ պատգամավոր Հովիկ Աղազարյանը հայտնեց, որ ՄԱՍԿ վարչությունը ՀՀ Վարչապետին անվստահություն հայտնելու ԱԺ որոշման նախագծով որպես վարչապետի թեկնածու առաջադրել է «Լուսավոր Հայաստան» կուսակցության նախագահ Էդմոն Մարուքյանին։
Էդմոն Մարուքյանը ուղիղ եթերում անդրադարձել է թեմային՝ հայտնելով իր համաձայնությունը։ Նա պատրաստվում է հանդիպել ԱԺ ընդդիմադիր խմբակցություններին, որոնք պատրաստակամություն են հայտնել իմպիչմենթի գործընթացի դեպքում տալ իրենց համաձայնությունը։ Ուղիղ եթերում Էդմոն Մարուքյանը զանգահարեց «Հայաստան» խմբակցության ղեկավար Սեյրան Օհանյանին, ով համաձայնեց հանդիպել և հարցը քննարկել։ Մարուքյանը հանդիպման առաջարկով ձայնային հաղորդագրություն ուղարկեց նաև «Պատիվ ունեմ» խմբակցության ղեկավար Հայկ Մամիջանյանին։
Էդմոն Մարուքյանը ներկայացրեց գործընթացի մանրամասները և քայլերի հերթականությունը։
Մանրամասները՝ տեսանյութում։

ԱԺ պատգամավոր Հովիկ Աղազարյանի ֆեյսբուքյան գրառումը․ «Որպես ՄԱՍԿ վարչության անդամ՝ լիազորված եմ հայտարարել, որ վարչության որոշմամբ հանձնարարվեց Աժգային Ժողովի պատգամավորներ Հակոբ Ասլանյանին և Հովիկ Աղազարյանին ՀՀ Վարչապետին անվստահություն հայտնելու ԱԺ որոշման նախագծով որպես վարչապետի թեկնածու առաջադրել ԱԺ 5-րդ, 6-րդ, 7-րդ գումարումների պատգամավոր, ՀՀ հատուկ հանձնարարություններով նախկին դեսպան, «Լուսավոր Հայաստան» կուսակցության նախագահ Էդմոն Մարուքյանին»։

***

Ինչպես հայտնել ենք, ԱԺ պատգամավոր Հովիկ Աղազարյանը հայտնեց, որ ՄԱՍԿ վարչությունը ՀՀ Վարչապետին անվստահություն հայտնելու ԱԺ որոշման նախագծով որպես վարչապետի թեկնածու առաջադրել է «Լուսավոր Հայաստան» կուսակցության նախագահ Էդմոն Մարուքյանին։
Հովիկ Աղազարյանը «24Նյուզ»-ի հետ զրույցում մանրամասնեց, թե ինչ ընթացք է ունենալու իմպիչմենթի գործընթացը, երբ ընդդիմադիրները տան իրենց համաձայնությունը․ «Հարցը մտնելու է օրակարգ և սահամանադրությամբ նախատեսված կարգով քննարկում է տեղի ունենալու, ապա՝ անվանական քվեարկություն։ Ընդհանուր 54 ձայն է պետք, ՔՊ-ից՝ 18։ Ավելի քան վստահ եմ, որ կարող է լինի այնպիսի քաղքական իրավիճակ, որ 18-ից էլ շատ մարդ լինի։ Կարող է պատահի իմ ակնկալած քաղաքական վիճակը չլինելու համար Նիկոլ Փաշինյանը որոշակի ճշգրտումներ անի իր արտաքին քաղաքականության մեջ և այդ պահը չգա։ Այդ ժամանակ կշահի պետությունը»,- ասաց Աղազարյանը՝ հայտնելով, որ Նիկոլ Փաշինյանը գիտի, թե ինչ ճշգրտումների մասին է խոսքը։

Դիտեք նաև՝