«Էլի մենք կրկեսի ու թատրոնի վերածելու հայրենիք չունենք: Մենք պիտակավորել ենք երևույթները, ոչ թե անձերը: Մենք գնահատական հնչեցրել ենք բացառապես երևույթներին»,- Ազգային ժողովում լրագրողների հետ զրույցում ասաց ԱԺ փոխնախագահ Էդուարդ Շարմազանովը՝ ի պատասխան հարցին, թե արդյոք ՀՀԿ-ը ներել է ԲՀԿ նախկին նախագահ Գագիկ Ծառուկյանին, և արդյոք դեռ այն համոզմանն են, որ կրկեսի վերածելու հայրենիք չունենք:
«Շատ ավելի լավ է լինել սիրո, բարության, ներողամտության կրող, քան զոռբայության, նենգության կրող: Երկրորդ՝ որտեղ կա սեր, բարություն, ներողամտություն, ես այնտեղ եմ, որտեղ կա նենգություն, զոռբայություն, բիրտություն, ես դրան դեմ եմ: Մենք թատրոնի ու կրկեսի վերածելու հայրենիք չունենք: Անցյալում են նենգության ու չարության սահմանները, հույսով եմ, որ ապագան կլինի սիրո և ներողամտության»:
