Սյունիքի նախկին մարզպետ Սուրեն Խաչատրյանի կատարած «հին հանցագործությունների» մասին նոր բացահայտումները արդյոք կգրավե՞ն իրավապահ մարմինների ուշադրությունը: Գորիսի նախկին քաղաքապետ Սամվել Հարությունյանի հարցազրույցները՝ սպանության փորձերի, թույլ տված չարաշահումների եւ այլնի վերաբերյալ ՀՀ իրավապահ մարմինները կընդունե՞ն որպես հանցագործության մասին հաղորդում եւ ինչպե՞ս ու ի՞նչ ընթացք կտան:
ԳԱԼԱ-ի հետ զրույցում ՀՀ դատախազի մամլո խոսնակ Սոնա Տռուզյանն ասել է. «Այդօրինակ հարցերով դիմել պատկան իրավապահ մարմիններին: Դատախազությունը նախաքննություն իրականացնող մարմին չէ, մենք հսկողություն ենք իրականացնում այդօրինակ մարմինների գործունեության օրինականության նկատմամբ: Բոլոր տեսակի հանցագործությունների գրանցման, զբաղվել են, չեն զբաղվել, կամ այդօրինակ հրապարակումների ընթացք տալու վերաբերյալ հարկ է դիմել ոստիկանության լրատվական ծառայությանը»:
ՀՀ ոստիկանության լրատվական ծառայությունից փոխանցել են, որ լրատվության միջոցների այդ հրապարակումները հայտնվել են ոստիկանության ուշադրության կենտրոնում եւ առայժմ ուսումնասիրվում են:
Մանրամասները՝ Galatv.am-ի հրապարակման մեջ:
