ԵԱՀԿ Մինսկի խմբի ամերիկացի համանախագահ դեսպան Ջեյմս Ուորլիքը (ԱՄՆ) հեռանում է դիվանագիտական ծառայությունից: Այս մասին հայտարարել է անձամբ դեսպան Ուորլիքը Twitter-ի իր միկրոբլոգում:
«Ես կթողնեմ համանախագահի պաշտոնը դեկտեմբերի 31-ին», - գրել է ամերիկացի դիվանագետը:
I will step down as @OSCE Co-Chair on December 31. It has been an honor to serve in the @StateDept for more than 30 years. #NKpeace
Ուորլիքը Պետքարտուղարությունում աշխատել է 30 տարի: Ինչպես հայտնել է դեսպան Ուորլիքը, նա պատրաստվում է գործընկեր դառնալ մոսկովյան «Եգորով, Պուշինսկի, Աֆանասյեև գործընկերներ» իրավաբանական ընկերությունում:
I will be a Partner in Russia's largest and most prestigious law firm. epam.ru/eng/news/view/…
Մոսկովյան ընկերությունը արդեն իսկ պաշտոնապես հաստատել է այս լուրը: Սոցիալական ցանցերի ադրբեջանցի օգտատերերը արդեն սկսել են հեռացող ամերիկացի դիվանագետի հասցեին ոչ պատշաճ մեկնաբանություններ հրապարակելը:
