Տաշքենդում, օգոստոսի 29-ին, կյանքի 79-րդ տարում մահացել է Ուզբեկստանի նախագահ Իսլամ Քարիմովը ով երկիրը ղեկավարում էր 26 տարի:
Այս մասին հաղորդում է ՖերգանաՆյուզ-ը՝ միաժամանակ նշելով, որ այս առիթով պաշտոնական որևէ հաղորդագրություն չի տարածվել:
Ըստ կայքի՝ մահը վրա է հասել Տաշքենդի ժամանակով 15-ից 16.00-ն ընկած ժամանակահատվածում:
Հիշեցնենք, որ այսօր հ Իսլամ Քարիմովայի դուստրը՝ Լոլա Քարիմովա-Տիլյաևան իր միկրոբլոգում գրել էր. «Ուղեղային արյունազեղման պատճառով, որը տեղի է ունեցել շաբաթ առավոտյան, հայրս հիվանդանոց է տեղափոխվել և գտնվում է վերակենդանացման բաժանմունքում: Նրա վիճակը գնահատվում է որպես կայուն: Տվյալ պահին դեռևս վաղ է որևէ կանխատեսում անել նրա ապագա վիճակի մասին»:
