2023 թվականին առաջին 9 ամսում Հայաստանի առաջատար ներդրողը դարձել է Արաբական Միացյալ Էմիրությունները, երկրորդը Լյուքսեմբուրգն է, երրորդը՝ Ռուսաստանը։ Այս մասին օրեր առաջ Հանրայինի եթերում հայտնել էր Անվտանգության խորհրդի քարտուղար Արմեն Գրիգորյանը։ Արձագանքելով՝ ՀՀ նախկին վարչապետ Հրանտ Բագրատյանն ասել է․ «Արմեն Գրիգորյանը ո՞նց կարա ճիշտ թիվ ասի, նա ի՞նչ ա հասկանում։ Նախ, ՀՀ օրենքը չի ասում՝ ի՞նչ բան ա ներդրում։ Օտարերկրյա ֆիրման եկել, ստեղ աշխատավարձ ա տալիս, էտի ներդրում ա, թե՞ չէ, շրջանառու միջոցների համալրումը ներդրում ա, թե՞ չէ, չի ասում մեր օրենքը։ Բա ո՞վ ա Արմեն Գրիգորյանը՝ անգրագետը, որ նստում, տենց բան ա, ասում։ Նա սաղ օրը ռուսներին ա քրֆում՝ մեզ թշնամացնելով։ Էմիրաթներից եկած փողի մեծ մասը ռուսական փողն ա։ Մի ժամանակ մեր ներդրումների մեջ առաջին տեղում Կիպրոսն էր, բայց մենք գիտեինք, որ ռուսական փողն ընդեղից ա գալիս։ Ինքը պատվեր ա կատարում՝ Արևմուտքի պատվերը»,- հայտարարել է Բագրատյանը։