Բրիտանական «Դեյլի Մեյլ»-ն ուշագրավ հոդված է հրապարակել այն մասին, ըստ որի Մեծ Բրիտանիայի արքայազն Չառլզի հետ ընթրիքը արժե 100 հազար ֆուտն ստեռլինգ և որ այդ գումարը պետք է փոխանցել արքայական դրամատուն՝ Բուկինգեմյան պալատում ժամադրության հաստատումը ստանալուց առաջ:
Բրիտանական պարբերականում ներկայացված լուսանկարների շարքից առաջինում արքայազն Չառլզը ՀՀ նախագահ Սերժ Սարգսյանի, Ամենայն Հայոց Կաթողիկոս Գարեգին Երկրորդի և Միացյալ Թագավորությունում ՀՀ դեսպան, ՀՀ նախկին վարչապետ Արմեն Սարգսյանի ու նրա տիկնոջ հետ է:
Ուշագրավ է, որ պարբերականը լուսանկարի մեկնաբանությունում նշել է միայն Միացյալ Թագավորությունում ՀՀ դեսպան Արմեն Սարգսյանի անունը:
«Ով վճարում է, նրա անունն էլ քոմենթում գրում են»,-այս առիթով ֆեյսբուքյան իր էջում կատակել է քաղաքագետ Արմեն Գրիգորյանը։
Ա.Մաթևոսյան
