ԱԺ-ում քննարկվում է «Պետական տուրքի մասին» ՀՀ օրենքում լրացումներ կատարելու մասին նախագիծը:
Էկոնոմիկայի փոխնախարար Էմիլ Տարասյանն իր ելույթում տեղեկացրեց, որ որպեսզի արդյունավետ լինի օբսիդիանի շահագործումն ու մշակումը, որոշվել է, որ հանքավայրի շահագործման համար օպտիմալ պետտուրքը 100 հազար դրամն է՝ 10 մլն-ի փոխարեն:
«Փաստորեն, առաջ տալիս էինք 10 միլիոն, հիմա պետք է 100.000 տանք: Բա ինչո՞ւ էին 10 միլիոն հաշվել, ո՞վ պետք է պատասխան տա սրա համար»,-հետաքրքրվեց ՀԱԿ խմբակցության պատգամավոր Հրանտ Բագրատյանը:
Էկոնոմիկայի փոխնախարար Էմիլ Տարասյանն ասաց, որ ֆիքսված գին է սահմանվել:
Պապս էլ Քրիստոսի ձեռը բռնած գա, ես գիտեմ, որ կա մի բանաձեւ՝ դա ռոյալթին է՝ կապված գնի հետ: Հանքերի հետ խաղ անել չի կարելի: Քիչ ես դնում՝ գերշահագործում է գնում, շատ ես դնում՝ գործն է կանգնում: Դրա համար պետք է հարկել՝ հաշվի առնելով սուբյեկտի եկամուտը»:
