MMA մարտարվեստի մարզիչ Էրիկ Օհանյանը, անդրադառնալով Ծառուկյանին պատկանող Օլիմպավանի կապարակնքմանը, ասել է․ «Ով փակել ա, իրա երեխեն ինչ-որ տեղ չի մարզվո՞ւմ։ Գնացեք, էդ զալը փակեք․․․ Էսքան մարզիչ ա աշխատում, մաքրուհիներ, ադմինիստրացիա, անվտանգություն, ամեն մեկն իրա հոգսն ունի։ Ընդամենն ուզում ենք դռները բացեն, երեխեքը մարզվեն, օգոստոսին աշխարհի մրցումներն են, գնալու եմ, եռագույնը բարձրացնելու համար ասեմ՝ Օլիմպավանը փակ էր, չկարողացա՞նք պատրաստվենք»։

***

Ինչպես հայտնի է, Ծառուկյանին պատկանող Օլիմպավանը ևս փակել են. մարզվողներն ու աշխատակիցները բողոքի ակցիա են իրականացնում։ «Խնդրում եմ Օլիմպավանը բացեն, երեխեքը պարապեն․․․ Առավոտ շուտ գալ, դուռը թակել, ասել՝ 5 րոպեից շենքն ազատեք, մի քիչ չեմ տեսնում դա ճիշտ»,- լրագողների հետ զրույցում ասել է բասկետբոլի մարզիչ Թովմաս Օրդանյանը։

***

«Աջակցում ենք պարոն Ծառուկյանին ու դատապարտում այն վիդեոն, որտեղ երևում է՝ ինչպես են 70 տարեկան մարդուն գետնին տապալում»,- ասաց բողոքի ակցիային մասնակցող Multi Wellness-ի աշխատակցուհին։ «Եթե մարդը սխալ բաներ ա արել, թողնում եմ իրավաբաններին, բայց շոու մի արեք, էդ մարդը լիքը բաներ ունի արած հայ ազգի համար։ Էդ մարդը բարերար ա, բարեգործ ա, գոնե մի քիչ քաղաքավարի արեք ամեն ինչը»,- նշեց նա։

Արդեն հայտնել էինք, որ Գագիկ Ծառուկյանին պատկանող կապարակնքված ընկերությունների աշխատակիցները բողոքի ակցիա են իրականացնում։

***

«Ո՞վ է պատասխան տալու մեր անգործության համար։ Էս ի՞նչ դարձրեց էս երկիրը»,- ասաց բողոքի ակցիային մասնակցող Multi Wellness-ի աշխատակցուհին։ «Ես տասը տարի ստեղ աշխատում եմ ու պարոն Ծառուկյանն ամեն հարցով մեր թիկունքին կանգնած է եղել, մեզ պաշտպանված ենք զգացել, իսկ էսօր ոնց որ անտեր լինենք»,- նշեց նա։ «Պարոն Փաշինյանը չի տեսնո՞ւմ իր ժողովրդի վիճակը, թե՞ էլի կասի՝ էդ դրվագը չեմ տեսել»,- հավելեց կինը։

***

«Multi Wellness»-ի աշխատակիցները շարունակում են բողոքի ակցիան․ «Ուզում ենք բացեն ակումբը, աշխատենք։ Մեծ թվով արցախցիներ են ստեղ աշխատում, վարձ են տալիս, վարկեր ունեն»,- ասաց աշխատակցուհիներից մեկը, ով ևս Արցախից է, 3 տարի այս կենտրոնում է աշխատում։ «Մենք հիպոթեքով տուն ենք վերցրել, պետությունը էն 4 մլն-ը չի տալիս, ասում է՝ չեմ տալիս, տուն ես վերցրել, ուրեմն կարաս փակես, բայց ես 140 հազար աշխատավարձ եմ ստանում, 190 հազար հիպոթեք տալիս, աղջիկս է օգնում, բայց ինչքա՞ն»,- հավելեց նա։

***

«Հարցը գնալով բարդանում է։ Փակել են, պլոմբել, աշխատակիները մնացել են անգործ։ Անորոշ վիճակ է»,- լրագրողների հետ զրույցում ասել է Multi Wellness-ի գլխավոր տնօրեն Արման Փիրոյանը։ «Չհաշված, որ ներսում վտանգավոր վիճակ է՝ բասեինները միացված, ջեռուցումները միացված բասեինների քլորականները։ Ակումբը մեծ վնաս է կրում։ Դիմել եմ Քննչական, սպասում եմ պատասխանին, որը դեռ չեմ ստացել»,- հավելել է նա։

***

Գագիկ Ծառուկյանին պատկանող «Multi Wellness»-ի աշխատակիցները բողոքի ակցիա են իրականացնում, պահանջում են բացել կենտրոնը։ «Շուրջ 150 աշխատակիցներ անգործ են մնացել, ամեն մեկս ունենք տուն, անչափահաս երեխաներ, վարկեր և այլն։ Կորցրել ենք մեր աշխատանքը, ի՞նչ անենք․ ոչ մի նորություն չկա, անորոշ վիճակ է։ Արդեն 6 օր աշխատանք չունենք։ Տվեք մեր աշխատանքը։ Բացեք, մենք աշխատանեք, մնացած ձեր հարցերը դուք լուծեք»,- լրագրողների հետ զրույցում ասել է «Multi Wellness»-ի մարզիչ Հայկը։

***

«Երկուշաբթի առավոտյան լուր ստացանք, որ այստեղ քննչական գործողություններ են ընթանում, եկանք։ Մեր մոտից վերցրեցին 3 սերվերներ, 19 համակարգիչներ, բոլոր աշխատակցիների անձնական հեռախոսները»,- լրագրողների հետ զրույցում պատմել է Գագիկ Ծառուկյանին պատկանող «Եուրոմոթորս» ընկերության տասը տարվա տնօրեն Աբրահամ Տանակէօզեանը։ Նրա խոսքով՝ իրենք աշխատում են արդար ու թափանցիկ և որ «Եուրոմոթորս»-ը փակելու իրավական պատճառներ չկային։ «Բացի այն, որ սեփականատերը պարոն Ծառուկյանն է, այլ բան չեմ տեսնում»,- հավելել է նա։

Հիշեցնենք՝ աշխատակիցները բողոքի ակցիա են իրականացնում՝ հաջակցություն ԲՀԿ առաջնորդի։