ԴՕԿ կուսակցության հիմնադիր նախագահ Վարդան Ղուկասյանը ֆեյսբուքյան իր էջում գրում է․ «Փաշինյանն ամեն ինչ անում է, որ Հայկ Մարությանը մարդկանց մոտ իբրև ընդդիմություն ընկալվի, բայց չի ստացվի, քանի որ , հայտնի է, ծաղրածուն դերը լավ չի խաղում, ուղղակի զվարճացնում է, մարդկանց շեղում ՝ նույնիսկ կրկեսում են կլոուններին արենա թողնում մյուսների ելույթների արանքում՝ հանդիսատեսին զբաղացնելու համար, որ չձանձրանան։
Հիմա նույնը Մարությանն է անում․ մարդ, որ քաղաքապետ եղած ժամանակ հարյուրավոր վիճահարույց ու աղմկահարույց շինթույլտվություններ է տվել, Երևանի հերն անիծել է ու էդ գործն Ավինյանին է փոխանցել, որոշել է «բանավիճել»՝ նախկին ու ներկա քաղաքապետեր ֆորմատով։
Էդ բանավեճն էլ ՝ դրա մասնակիցների նման կլոունություն է, որ արել ու անում են իբրև ընդդիմադիր կարգվածները։ Ոնց Սերժն էր Նիկոլին խաղացնում ընդդիմադիրի կերպարում, էնպես էլ Նիկոլն է Մարությանին բանեցնում․․․Ու բացառված չի, որ Նիկոլը Մարությանին բանեցնում է հենց Սերժի սցենարով․ հիշենք, թե ում փեսու շնորհիվ ու անտաղանդ հումորներով էր եթերը լցնում կլոուն Հայկ Մարությանը»։
