«Սասնա ծռեր» խմբի անդամ Պավել Մանուկյանն այսօր դատարանի որոշմամբ ազատվեց կալանքից: Պավել Մանուկյանի նկատմամբ որպես խափանման միջոց ընտրվեց 1 միլիոն գրավը:
Շուրջ մեկ շաբաթ է, ինչ Մանուկյանը գտնվում էր հացադուլի մեջ, նրա պահանջն էր խափանման միջոցի վերանայումը: Այսօր նա Արայիկ Խանդոյանի մահվան լուրը ստանալուց հետո որոշեց դատարեցնել հացադուլը:
Հիշեցնենք, որ Պավել Մանուկյանը գտնվում էր անազատության մեջ շուրջ երկու տարի:
Ավելացնենք նաև, որ «Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը։ Մյուս 7 ամբաստանյալների նկատմամբ ընտրված խափանման միջոց կալանավորումը փոխվել է՝ պատգամավորների անձնական երաշխավորությամբ:
