Առողջապահության նախարար Արսեն Թորոսյանը ֆեյսբուքյան իր էջում գրել է․
«Այսօր հանդիպեցի Հայաստան-Արցախ հիմնադրամի նախագահ Հարութ Սասունյանի հետ, ով տեղեկացրեց, որ հիմնադրամը պատրաստվում է մեզ տրամադրել հակավիրուսային դեղեր` հեպատիտ «Ց» հիվանդությամբ շուրջ 700 հոգու բուժման համար:
Նշված դեղերը հատկացվելու են հիվանդության առաջին «Բ» գենոտիպ ունեցողների բուժման համար` լաբորատոր հետազոտությունների արդյունքների հիման վրա: Քաղաքացիների բուժման մշտադիտարկումը կիրականացվի մասնագետների կողմից՝ միջազգային ուղեցույցներին համապատասխան ձևով: Բուժման սկզբի մասին հավելյալ կտեղեկացնենք։
Նաև երեկվա կառավարության նիստին ընդունվեց մի որոշում, որ մեզ հնարավորություն է տալու կենտրոնական գնումներով ձեռք բերել հեպատիտ «Ց» բուժման դեղեր մեր ազգային ծրագրի շրջանակներում և պետական պատվերով իրականացնել այդ հիվանդության բուժում՝ հասնելով դրա վերացման մեր երկրում»։
