Քննարկվում է Ռուսաստանի նախագահ Վլադիմիր Պուտինի միջնորդությամբ այս տարվա օգոստոսին Ղարաբաղի հարցով ծրագրվող հանդիպումը:
Հայաստանում ԱՄՆ արտակարգ եւ լիազոր դեսպան Ռիչարդ Միլսն է այս մասին խոսել Ամերիկյան համալսարանում՝ պատասխանելով ուսանողներից մեկի հարցին, թե արդյո՞ք հայտնի են Հայաստանի եւ Ադրբեջանի նախագահների հետ ԵԱՀԿ Մինսկի խմբի համանախագահների հաջորդ հանդիպման ժամկետները:
Ըստ ԱՄՆ դեսպանի, Ադրբեջանի ու Հայաստանի նախագահների հանդիպման հստակ օրն ու վայրը դեռեւս որոշված չեն: «Քննարկումները պետք է ընթանան ԵԱՀԿ Մինսկի խմբի երեք համանախագահների եւ երկու երկրների կառավարությունների միջեւ՝ օգոստոսին հանդիպման օրը հստակեցնելու համար»,- պարզաբանել է Ռիչարդ Միլսը:
