Գործադիր մարմնի նիստի օրը կառավարության շենքի դիմաց կրկին բազմամարդ է. շենքի մի կողմում «Նաիրիտ»-ի աշխատակիցներն են, մյուս կողմում՝ Արմավիրի մարզի Լենուղի համայնքի 4-րդ կարգի վթարային ճանաչված շենքի բնակիչները։ Նրանք պահանջում են իրենց հատկացնել փոխատուցում՝ նոր բնակարաններ ձեռք բերելու համար։  Լենուղի համայնքի բնակիչները փորձում են ներխուժել կառավարության շենք, որովհետեւ արդեն  2 ժամ է՝ ոչ ոք չի մոտենում՝ իրենց խնդիրները լսելու։