Հայտնի է, որ վարչապետն այսօր աշխատանքային այցով մեկնելու է Նյու Յորք և մեկնելուց առաջ ուղիղ տեսակապով դիմել է քաղաքացիներին՝ հույս հայտնելով, որ վերջիններս կգնան և իրենց սահմանադրական պարտքը կկատարեն:
«Հույս ունեմ, որ այսօր մեր քաղաքացիները շատ ակտիվ մասնակցություն կունենան ընտրություններին և չեն մնա տներում, որովհետև չկա որևէ կասկած, որ դուք եք որոշում կայացնելու, և ձեր որոշումն է արձանագրվելու: Ես հույս ունեմ՝ Երևանում քվեարկության իրավունք ունեցող քաղաքացիներն այս պահի պատասխանատվությունն ու լրջությունը կարձանագրեն և կգնան ընտրական տեղամաս քվեարկելու»,- ասել է վարչապետը:
Մանրամասները՝ տեսանյութում.
Հիշեցնենք, որ վարչապետը Նյու Յորքում կմասնակցի ՄԱԿ-ի Գլխավոր ասամբլեայի 73-րդ նստաշրջանի աշխատանքներին, որտեղ հանդես կգա ելույթով:
Այցի ընթացքում վարչապետ Փաշինյանը հանդիպում կունենա ՄԱԿ-ի գլխավոր քարտուղար Անտոնիո Գուտերեշի հետ: Նյու Յորքում նախատեսված են հանրապետության վարչապետի երկկողմ հանդիպումներ տարբեր երկրների գործընկերների հետ: Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ, ինչպես նաև կայցելի Մետրոպոլիտեն թանգարանում բացվող «Արմենիա» խորագրով ցուցահանդես:
