Մարտի 10-ից «Ազատության» հրապարակում հացադուլ սկսած «Ժառանգություն» կուսակցության առաջնորդ, ՀՀ նախագահի նախկին թեկնածու Րաֆֆի Հովհաննիսյանն այսօր լրագրողների հետ հերթական հանդիպումն անցկացրեց: «Իշխանության որոշ ներկայացուցիչներ դժգոհում են, որ քննադատության առումով Դուք և Սերժ Սարգսյանը հավասար նժարների վրա չեք, եթե քննադատվում է Սերժ Սարգսյանը և ողջ թիմը` մարզպետներ, քաղաքապետներ, գյուղապետներ, Ձեր դեպքում հայտնի չէ, թե ազգային համաձայնություն ձևավորելիս Ձեր թիմն ովքե՞ր են ներկայացնելու` ովքե՞ր են դառնալու մարզպետներ, պատգամավորներ կամ դատավորներ»,- լրագրողներից մեկի այս հարցին ի պատասխան Րաֆֆի Հովհաննիսյանն ասաց. «Շնորհակալություն հարցի համար, ապրեք մինչև ապրիլի 9-ը»:
