ՌԴ-ում Հայաստանի դեսպանության ֆեյսբուքյան պաշտոնական էջը տեղեկություններ է հայտնում այսօր Պյատիգորսկ քաղաքում տեղի ունեցած պայթյունի մասին, որի ժամանակ զոհվել են Երեւան քաղաքի ոստիկանության վարչության նախկին պետ Աշոտ Կարապետյանը եւ նրա քեռին:
«Հայտնում ենք, որ դեսպանությունը կապ է հաստատել ՌԴ համապատասխան մարմինների հետ ս/թ․ նոյեմբերի 28-ին Պյատիգորսկի մասնավոր գարեջրային ընկերության տարածքում տեղի ունեցած պայթյունի հետևանքով շինության փլուզման և զոհերի թվում ՀՀ քաղաքացիների կամ հայազգի անձանց առկայության վերաբերյալ մամուլում տարածված տեղեկատվության առնչությամբ։
Ըստ դեսպանությանը փոխանցված տեղեկությունների՝ տեղի ունեցածի հետևանքով զոհվել են հայազգի Ա․Մ․Կարապետյանը (ծնված` 1970թ․-ին) և Տ․Պ․Տարպոսյանը (ծնված՝ 1959թ․-ին)։
Այլ մանրամասներ ճշտվում են։
Նշենք, որ տեղի ունեցածի առնչությամբ ՌԴ Քննչական կոմիտեի Ստավրոպոլի երկրամասի քննչական վարչության կողմից հարուցվել է քրեական գործ»,- ասված է գրառման մեջ։
Հիշեցնենք, որ պայթյունի հետևանքով մահացած Աշոտ Կարապետյանը Մարտի 1-ի գործով վկայի կարգավիճակ ուներ
