Երևանի Հրազդան ձորում գործող «Մոնտե Քրիստո» ռեստորանային համալիրում երեկ մի քանի աղջիկներ երգիչներին պատվեր են տվել ու խնդրել եներգելուց առաջ ասել հետևյալ նախադասությունը. «Ամերիկայից եկած Արմինեն խնդրում է Վանո Սիրադեղյանի պատվին երգել «Պառավ յարս» երգը»։

Այս մասին գրում է A1 պլյուս գործակալությունն ու ներկայացնում մանրամասներ, ըստ որի ականատեսը պատմել  է՝ աղջիկները պատվիրում են ու 5 հազար դրամն էլ հետը տալիս մատուցողին։ Մատուցողը կարդում է պատվերը։ «Խնդիր չկա»,-ասում է ու հեռանում։ Բեմ հասնելուն եւ թուղթը երգչին հանձնելուն պես սկսվում է ռեստորանի աշխատակիցների հրապարակային «կոնսուլիումը»։ Քիչ հետո մատուցողը վերադառնում է. «Վարյանտ չկա, չի լինի»։ Ինչու՞։ Չի կարող ասել, թե ինչու՞, բայց չի լինի։ «Միգուցե «Ամերիկայից եկած Արմինեն խնդրում է» բառերը հանե՞նք»,-հարցնում են աղջիկները։ Մատուցողն ասում է՝ չի լինի։ Չի ասում, թե որ բառերն են տեքստում ավելորդ։ «Միգուցե «Պառավ յարս»-ի փոխարեն ուրիշ ե՞րգ պատվիրենք»,-շարունակում են աղջիկները։ Չի լինի։ Իսկ առանց տեքստի կլինի՞։ Կլինի։ Ի վերջո 5 հազար դրամանոց «երգն» ի լուր ռեստորանում հաց ուտող մոտ 100 հոգու հնչում է այսպես. «Ձեր իսկ պատվերով՝ «Պառավ յարս»»։