Երգիչ Ռիկի Մարտինը նշանադրվել է իր ընկերոջ`քրդական ծագմամբ շվեդ նկարիչ Ջոեն Յուզեֆի հետ: Billboard-ի փոխանցմամբ՝ այս մասին երգիչը հայտարարել է Էլեն Ջեջեներեսի հեռուստաաշոուի ժամանակ։
Մարտինը հայտարարել է, որ տարված է արվեստի գործեր հավաքելով և Ջոենի հետ հանդիպել է, երբ որոնելիս է եղել նոր նմուշներ։ Ժամանակի ընթացքում գործարար հարաբերությունները վերածվել են սիրային հարաբերությունների։
Մարտինը խոստովանել է, որ շատ մտահոգված է եղել սիրելիին առաջարկություն անելուց առաջ, սակայն մտավախությունները զուր են եղել և սիրեցյալը դրական պատասխան է տվել։
