Asekose.am-ին հայտնի է դարձել, որ ԱԺ նախկին պատգամավոր Սամվել Ալեքսանյանը երեկ ինչ-որ խնդիրներ է ունեցել Աթենքի օդանավակայանում:
Մեր աղբյուրը պատմում է, որ Ալեքսանյանին երկար ժամանակ հարցեր են տվել անձնագրային հսկիչ կետում, ապա նաև ուղեկցել հարևանությամբ գտնվող սենյակ:
Երևան-Աթենք չվերթի ուղևորները նկատել են այդ ամենը, իսկ երբ արդեն անցել են անձնագրային ու մաքսային հսկիչ կետերը, Սամվել Ալեքսանյանին այդպես էլ չեն նկատել:
Asekose.am-ը փորձեց կապ հաստատել Սամվել Ալեքսանյանի հետ՝ պարզելու, թե ո՞րն էր Աթենքի օդանավակայանի անձնագրային հսկիչ կետում նրա ուշացման պատճառն ու ինչպե՞ս հանգուցալուծվեց խնդիրը, սակայն ԱԺ նախկին պատգամավորը հեռախոսազանգերին չէր պատասխանում :
