Երևանի քաղաքապետարանի մոտ իրավիճակը լարված է: «Սանիթեք» ընկերության աշխատակիցները պահանջում են իրենց աշխատավարձը, հակառակ դեպքում՝ պատրաստվում են նստացույց անել ու փողոց փակել:
Հավաքվածները պահանջում էին, որ ընդհանուր գումարը՝ 132 միլիոն դրամ, փոխանցվի «Սանիթեքին», որից էլ իրենք աշխատավարձ կստանան:
Հավելենք, որ բողոքող աշխատակիցների հետ խոսելու դուրս եկան քաղաքապետարանի պաշտոնյաներ ու ավագանու անդամներ՝ ասելով, որ համայնքը պատրաստ է վճարել աշխատավարձերը, բայց դրա համար անհրաժեշտ է, որ «Սանիթեքը» քաղաքապետարանին տրամադրի համապատասխան հաշվապահական փաստաթղթերը, որպեսզի պարզ դառնա, թե յուրաքանչյուր աշխատակցի հաշվին որքան գումար է պետք փոխանցել:
Տեսանյութը՝ Սոնա Աղեկյանի ֆեյսբուքյան էջից
