Սերժ Սարգսյանի եղբայրը՝ Ալեքսանդր Սարգսյանը, գտնվում է Եվրոպայում։ Այս մասին այսօր լրագրողների հետ զրույցում ասաց Ալեքսանդր Սարգսյանի որդին՝ Հայկ Սարգսյանը։ Վերջինիս խոսքով՝ հայրը Եվրոպա է մեկնել հանգստանալու նպատակով:
Հարցին, թե արդյոք Ալեքսանդր Սարգսյանը մտադիր է վերադառնալ Հայաստան, Հայկ Սարգսյանը պատասխանեց.
«Մտադիր է, ո՞նց մտադիր չի, բայց թե երբ, չեմ կարող պատասխանել»,–ասաց նա։
Հայկ Սարգսյանը ասաց նաև, որ հայրը հանդիպել է Չեխիայում գտնվող եղբորը՝ Նարեկ Սարգսյանին:
Հիշեցնենք, որ Ալեքսանդր Սարգսյանը մեղադրվում է առանձնապես խոշոր չափերի խարդախության համար: Ալեքսանդր Սարգսյանի նկատմամբ որպես խափանման միջոց էր ընտրվել՝ չհեռանալու մասին ստորագրությունը, սակայն ԱԱԾ-ն թույլատրել էր նրան որոշակի ժամանակով լքել երկիրը:
