«Սասուն Միքայելյանի որդին գոմո՞ւմ է ծառայել, եթե սպարապետից հետո բանակ չենք ունեցել»․-այս մասին 24TV-ի եթերում նշել է ԱԺ «Հայաստան» խմբակցության ղեկավար, Պաշտպանության նախկին նախարար Սեյրան Օհանյանը։
Օհանյանի համոզմամբ, բանակը խորթ է այս իշխանություններին։ «Թիրախավորելով բանակը՝ իշխանության ներկայացուցիչները փորձում են արդարացնել իրենց` բանակից ազատված լինելը, քանի որ գրեթե բոլորը չեն ծառայել բանակում»,- ասել է Օհանյանը։
Նրա պնդմամբ, իսկապես, բանակում բազմաթիվ խնդիրներ են եղել, բայց այն տարիների ընթացքում զարգացել է, իսկ գործող իշխանությունը ոչ մի լուրջ բարեփոխում չի իրականացնում։
