Պաշտպանության նախկին նախարար Սեյրան Օհանյանը շարունակում է գտնվել «Մուրացան» զինվորական հոսպիտալում։ Այս մասին ասել է նրա պաշտպան Կարեն Մեժլումյանը։
«Հրապարակ»-ն է գրում, նշելով, որ Օհանյանը հոսպիտալ էր տեղափոխվել մրսածության հետեւանքով։
Պաշտպանը հայտնել է, որ որոշ մասով բարդություններ են կրկին նկատվել։
Հարցին, թե այսինքն` ավելի՞ է սրվել առողջական վիճակը, պաշտպանը տվել է դրական պատասխան։
Հիշեցնենք, որ «Մարտի 1»-ի գործով նախորդ նիստը հետաձգվեց Սեյրան Օհանյանի բացակայության պատճառով։ Փաստաբանն ասել էր, որ նա հոսպիտալում է դեռ մարտի 7-ից։
